Will Ye No Come Back Again?

By: Lady Carolina~Oliphant

Verse 1

Bonnie Charlie's now awa', Safely owre the friendly main; Mony a heart will break in twa, Should he no' come back again.

Chorus 1

Will ye no come back again? Will ye no come back again? Better lo'ed ye canna be, Will ye no come back again?

Verse 2

Ye trusted in your Hieland men, They trusted you, dear Charlie; They kent you hiding in the glen. Your cleadin' was but barely.

Verse 3

We watched you in the gloamin' hour, We watched thee in the mornin' grey; Tho' thirty thousand pounds they'd gie, Oh, there was nane that wad betray.

Verse 4

Mony a traitor 'mange the isles Brak the band o' nature's laws; Mony a traitor wi' his wiles, Sought to wear his life awa'.

Verse 5

Many a gallant sodger gaught, Mony a gallant chief did fa, Death itself were dearly bought, A' for Scotland's king and law.

Verse 6

Whene'er I hear the blackbird sing, Unto the evening sinking down, Or merl that makes the wood to ring, To me they hae nae other sound.

Verse 7

Sweet the lav'rock's note and lang, Lilting wildly up the glen; And aye the o'er world o' he sang, "Will he no' come back again?"